الخميس 21/4/2011 2:30 م – تفاصيل إعتصام طلبة هندسة بترول و تعدين السويس امام وزارة البترول
مطالبنا مش كتير, تفعيل البروتوكول و بس, البروتوكول ده عبارة عن مجموعة من القرارات إتخذت و تم التوقيع عليها من قبل وزيري البترول و التعليم العالي السابقين في يناير 2010, و معانا صور للمستندات دي.
نص البروتوكول لاحظ إمضاءات الوزيرين
القرارات بتفيد بأن وزارة البترول تشترك مع وزارة التعليم العالي في تطوير معامل و مقررات و منشآت كلية هندسة البترول و توفر للطلبة فرص تدريب اثناء الدراسة و تكليف (زي طلبة طب كمثال) بعد التخرج في شركات البترول المتعاقدة مع الوزارة, لأن طالب هندسة بترول بيجيب عالأقل 99% في ثانوي و بعدين بيدرس 5 سنين في مكان منعزل غير آدمي بالمرة و بعدين بيتخرج يقعد عالرصيف! كان معانا في الإعتصام ناس متخرجين من سنين مش لاقيين شغل, و كنت شفت قبل كده ناس متخرجين من قسم حفر (اعلى قسم في الكلية) واحد منهم شغال نقاش و التاني شغال في كول سنتر(Call Center) والتالت شغال على عربية كبدة! و شركات البترول معروف جداً ان الشغل فيها بيبقى بالواسطة, بالفلوس او بالمحسوبية.
انا مش بقلل من شأن النقاش او اللي شغال في كول سنتر مثلاً, بس لو كده كان ايه هيخليني اتعب و ادرس كل ده من الأساس؟! يلغوا هندسة بترول احسن.
دول كنت شفتهم من سنة و الوزير السابق سامح فهمي قال هيوفرلهم فرص تعيين و الناس فرحت و صقفت و طبعاً فرص التعيين دي كانت مجرد كلام و مش على ورق كمان ف حقهم راح, و احنا كطلبة مش هنستنى نبقى زيهم, فعشان كده قررنا هناخد خطوة و نكلم الوزير الجديد عبدالله غراب عشان يفعل البروتوكول.
الأول عملنا يوم في الكلية يوم 17 مارس, و معطلناش دراسة او حاجة, كانت مظاهرة في البريك و بعد إنتهاء المحاضرات, و محدش سمعلنا ولا عبرنا, و العميد اتكلم مع الوزير و قاله هرد عليك و طبعاً مفيش حاجة حصلت.
بعدها بشهر, الإثنين 18 إبريل بالظبط كان في إضراب مفتوح في الكلية لأسباب تانية مش موضوعنا دلوقتي, حجزنا 20 ميكروباص و سافرنا على القاهرة عشان نتظاهر قصاد الوزارة نفسها, عددنا كان 250 تقريباً اول ما وصلنا و عالضهر العدد زاد ل 500 (الكلية كلها 1300 طالب تقريباً) و فضلنا نهتف هتافات كتير عادية الأول بنطالب بتفعيل البروتوكول, الوزير اخد 3 مننا يقابلوه, فضلوا قاعدين في اوضة مكيفة لمدة 4 ساعات و محدش عبرهم, واحد منهم نزل يقولنا انهم لسه مقابلوش الوزير و حاول يطلع تاني رفضوا يخلوه يطلع, بعدها بساعة كمان نزل ال2 و قالوا ان الوزير قالهم انا قاعد معاكم بصفة غير رسمية ودية مش اكتر و اوعدكم بفرص عمل لأول 20 خريج بعد إختبارات قبل التعيين. (تهريج طبعاً) حاولنا نخليهم يطلعوا يقولوا للوزير ان مش دي مطالبنا و لو هو مش بيتكلم معانا بصفة رسمية يبقى هنكلم مين بصفة رسمية؟ مرضيوش يطلعوهم تاني و قررنا هنعتصم و نبات في الشارع قصاد الوزارة.
تاني يوم, الثلاثاء 19 إبريل, هتافاتنا إتغيرت ل
إنزل .. إنزل.. يا غراب انت فين قوللي اجيب الواسطة منين يا بروتوكول فينك فينك وزير الثورة بيننا و بينك... إنزل إنزل يا وزير ماحنا برضه مهندسين... واحد إتنين وزير الثورة فين يا غراب لولا التحرير كنت إمتى هتبقى وزير
إنزل .. إنزل.. يا غراب انت فين قوللي اجيب الواسطة منين يا بروتوكول فينك فينك وزير الثورة بيننا و بينك... إنزل إنزل يا وزير ماحنا برضه مهندسين... واحد إتنين وزير الثورة فين يا غراب لولا التحرير كنت إمتى هتبقى وزير
و مفيش جديد تماماً حصل من الوزارة غير ان الوزير بعتلنا بتصريح بيقول "جنينة الوزارة واسعة عايزين تقعدوا خليكوا قاعدين 10 20 يوم إتحرقوا في الشمس و لو قليتوا ادبكوا الجيش هيربيكوا"
ساعتها كان وفد مننا راح رئاسة الوزراء, متقابلوش مع د. عصام شرف عشان مكانش موجود, كلموا مستشار اسمه النبوي تقريباً (مش متذكر بصراحة) شرحوله الموقف و اخد منهم ارقام تليفوناتهم عشان يحددلهم معاد مع د. عصام شرف, و اللي عرفت انهم لما راحوا تاني بعد كده و د. شرف مكانش موجود الكلام اللي إتقالهم كان عايم جداً خلاصته ان الموقف هيتعرض على رئاسة الوزراء و هينظروا فيه و مش عارف لو محصلش ايه هيعملوا ايه, اي كلام.
ساعتها كان وفد مننا راح رئاسة الوزراء, متقابلوش مع د. عصام شرف عشان مكانش موجود, كلموا مستشار اسمه النبوي تقريباً (مش متذكر بصراحة) شرحوله الموقف و اخد منهم ارقام تليفوناتهم عشان يحددلهم معاد مع د. عصام شرف, و اللي عرفت انهم لما راحوا تاني بعد كده و د. شرف مكانش موجود الكلام اللي إتقالهم كان عايم جداً خلاصته ان الموقف هيتعرض على رئاسة الوزراء و هينظروا فيه و مش عارف لو محصلش ايه هيعملوا ايه, اي كلام.
العميد بتاعنا لما عرف بتصريحات الوزير المستفز, قرر ان لو محصلش حاجة للساعة 12 الظهر يوم الأربعاء 19 هيجي بنفسه يقف معانا عشان يقابل الوزير بصفة رسمية.
ولما عدت الساعة 12 يوم الأربعاء و محصلش حاجة, هتافاتنا اتغيرت اكتر
يا تنزل.. يانطلع..
الفساد اهو .. الفساد اهو..هي حقوقنا ضايعة ليه .. حسني راجع ولا ايه
تعيين بالواسطة.. باطل.. تعيين بفلوس.. باطل.. تعيين بالكوسة.. باطل.. مهندس بترول.. عاطل
و سدينا مداخل و مخارج الوزارة ووقفنا قصادها, حارس امن سبلنا الدين و واحد داس طالب زميلنا بعربيته, و عرفت من حارس امن تاني ان الوزير هرب من الساعة 12 من الباب اللي ورا و الحارس حلفلي انه فعلاً مشي و قاللي لو مش مصدق تعالى اوريك مكان عربيته فاضي, بعدها بشوية العميد وصل, رشحنا 5 يطلعوا معاه و فضلنا واقفين مستنين من الساعة 2 الضهر لحد الساعة 11 مثلاً و العميد و ال5 اللي معاه واقفين ورا البوابة بس محدش رضي يدخلهم المبنى.
و عالساعة 8 لما لقينا مفيش أمل فضلنا نهتف و نعلي صوتنا اكتر و اكتر عشان نجذب انتباه اي حد, الجيش و الشرطة العسكرية وصلوا بعدد كبير جداً و فضلوا يتناقشوا معانا و يعرفوا ايه مطالبنا, وانا وقفت اتكلمت مع عسكري جيش قاللي انتم عشان على حق هو مش عايز يقابلكم, و متقلقوش من ناحية الجيش طول مانتوا مابتخربوش حاجة الجيش مش هيتدخل, يعني انتوا ممكن تضربوا الوزير و الجيش مش هيعملكم حاجة, لكن لو كسرتوا لوح إزاز مثلاً هنتدخل, لأن الجيش وظيفته الرئيسية حماية المنشآت. انا مش مع الكلام ده لأننا بقالنا 3 ايام معتصمين سلمياً لا قطعنا طريق ولا كسرنا ولا ولعنا في حاجة! و جرنال الأهرام كاتب اننا قطعنا الطريق وقت ما كنا إحنا اللي بننظمه!http://gate.ahram.org.eg/News/61997.aspx
الجيش إدى وعد للشباب انهم هيقابلوا الوزير الساعة 10 تاني يوم_النهاردة الخميس 21 إبريل_ و لما عدت الساعة 10 و محصلش حاجة, الشباب فضلوا يخبطوا على باب الوزارة و يهتفوا, لحد ما الباب إتلخلخ و كان هيقع, امن الوزارة استخدم ضدهم خراطيم المياه و طفايات الحريق و في إشاعة ان واحد صاحبنا دراعه اتكسر, بس مش متأكدين. العدد كبير اكتر من اي يوم تاني.
اللواء حمدي بدين مع قوات من الجيش و الشرطة العسكرية وصلوا تاني بأعداد اكبر, فضوا الإشتباك و دخلوا الوزارة يتفاوضوا على انهم يخلونا نقابل الوزير, دي اساساً إهانة لكرامتنا! لما نبقى مهندسين و بايتين عالرصيف لمدة 4 ايام عشان نقابل وزير 3 دقايق يبقى فعلاً بنتهان! الجيش اتفق على ان 10 من الشباب يتقابلوا مع الوزير, 5 خريجين و 5 طلبة, قعدوا ساعتين و طلعوا بأن لجنة هتتعمل لمناقشة آليات تفعيل البروتوكول, اللجنة دي هيبقى فيها العميد و رئيس الجامعة و 2 من الطلاب, و اي قرار اللجنة هتاخده الوزير هيمضي عليه, سألوا عن ضمان للكلام ده, اللواء حمدي قال انا اضمنلكم الكلام ده بنفسي, و إتعمل محضر بالإصابات و تم إنهاء الإعتصام.
يا تنزل.. يانطلع..
الفساد اهو .. الفساد اهو..هي حقوقنا ضايعة ليه .. حسني راجع ولا ايه
تعيين بالواسطة.. باطل.. تعيين بفلوس.. باطل.. تعيين بالكوسة.. باطل.. مهندس بترول.. عاطل
و سدينا مداخل و مخارج الوزارة ووقفنا قصادها, حارس امن سبلنا الدين و واحد داس طالب زميلنا بعربيته, و عرفت من حارس امن تاني ان الوزير هرب من الساعة 12 من الباب اللي ورا و الحارس حلفلي انه فعلاً مشي و قاللي لو مش مصدق تعالى اوريك مكان عربيته فاضي, بعدها بشوية العميد وصل, رشحنا 5 يطلعوا معاه و فضلنا واقفين مستنين من الساعة 2 الضهر لحد الساعة 11 مثلاً و العميد و ال5 اللي معاه واقفين ورا البوابة بس محدش رضي يدخلهم المبنى.
و عالساعة 8 لما لقينا مفيش أمل فضلنا نهتف و نعلي صوتنا اكتر و اكتر عشان نجذب انتباه اي حد, الجيش و الشرطة العسكرية وصلوا بعدد كبير جداً و فضلوا يتناقشوا معانا و يعرفوا ايه مطالبنا, وانا وقفت اتكلمت مع عسكري جيش قاللي انتم عشان على حق هو مش عايز يقابلكم, و متقلقوش من ناحية الجيش طول مانتوا مابتخربوش حاجة الجيش مش هيتدخل, يعني انتوا ممكن تضربوا الوزير و الجيش مش هيعملكم حاجة, لكن لو كسرتوا لوح إزاز مثلاً هنتدخل, لأن الجيش وظيفته الرئيسية حماية المنشآت. انا مش مع الكلام ده لأننا بقالنا 3 ايام معتصمين سلمياً لا قطعنا طريق ولا كسرنا ولا ولعنا في حاجة! و جرنال الأهرام كاتب اننا قطعنا الطريق وقت ما كنا إحنا اللي بننظمه!http://gate.ahram.org.eg/News/61997.aspx
الجيش إدى وعد للشباب انهم هيقابلوا الوزير الساعة 10 تاني يوم_النهاردة الخميس 21 إبريل_ و لما عدت الساعة 10 و محصلش حاجة, الشباب فضلوا يخبطوا على باب الوزارة و يهتفوا, لحد ما الباب إتلخلخ و كان هيقع, امن الوزارة استخدم ضدهم خراطيم المياه و طفايات الحريق و في إشاعة ان واحد صاحبنا دراعه اتكسر, بس مش متأكدين. العدد كبير اكتر من اي يوم تاني.
اللواء حمدي بدين مع قوات من الجيش و الشرطة العسكرية وصلوا تاني بأعداد اكبر, فضوا الإشتباك و دخلوا الوزارة يتفاوضوا على انهم يخلونا نقابل الوزير, دي اساساً إهانة لكرامتنا! لما نبقى مهندسين و بايتين عالرصيف لمدة 4 ايام عشان نقابل وزير 3 دقايق يبقى فعلاً بنتهان! الجيش اتفق على ان 10 من الشباب يتقابلوا مع الوزير, 5 خريجين و 5 طلبة, قعدوا ساعتين و طلعوا بأن لجنة هتتعمل لمناقشة آليات تفعيل البروتوكول, اللجنة دي هيبقى فيها العميد و رئيس الجامعة و 2 من الطلاب, و اي قرار اللجنة هتاخده الوزير هيمضي عليه, سألوا عن ضمان للكلام ده, اللواء حمدي قال انا اضمنلكم الكلام ده بنفسي, و إتعمل محضر بالإصابات و تم إنهاء الإعتصام.
الكلام كويس, مع انه مش مطلبنا و مينفعش نسكت او نسلم, بس اللجنة دي لو منفذتش اللي مطلوب منها بالفعل هنرجع تاني, الجنينة واسعة زي ما قال سيادة الوزير.
دلوقتي ارجو من كل من قرا البوست ده يرد على اللي مصراوي كاتبينه عننا, لو مش لاقيين رد يا ريت بس تشيروا لينك البوست في التعليقات.
كاتبين ان سيادة الوزير قابلنا و سمع كل كلامنا يوم التلات و وافق على كل حاجة و احنا برضه فضلنا واقفين عشان مقدملناش ضمان! و الحقيقة انه لو كان قابلنا و فعلاً زي ما قالوا كنا مشينا من بدري, اصلنا بنحب ننام عالرصيف جداً و واخدينها هواية, و بما إن الإعتصام إتفض, محدش يعرف سكة رصيف طراوة شوية؟
No comments:
Post a Comment